തീവണ്ടി നിലയം

പുറപ്പെടുന്ന തീവണ്ടിക്കു പുറത്തു
വേര്‍പാടിന്റെ വ്യഥ ..
എത്തിച്ചേരുന്ന വണ്ടിക്കു വെളിയില്‍
കൂടിച്ചേരലിന്റെ ഭാരം
തീവണ്ടി നിലയത്തില്‍ എത്തപ്പെടുന്ന
ഓരോ മുഖങ്ങളിലും
തേച്ചുവച്ച ഓരോ ഭാവങ്ങളുണ്ട്
ചലനത്തിന്റെ പിന്നില്‍ ഘടിപ്പിച്ച്
പാളത്തിലൂടെ വലിച്ചതിദൂരം
ഇഴക്കപ്പെട്ടൊരു ഭാവം .
കാറ്റു പതം വരുത്തിയ മുടിയിഴകള്‍
പൊടി കറുപ്പിച്ച നാസിക
ഉറക്കം തൂങ്ങുന്ന കണ്ണുകളില്‍
വിട്ടുപോന്ന കാഴ്ചകളുടെ ഭാരം

മനസ്സ് മാത്രം മടക്കയാത്രയുടെ
കണക്കെടുപ്പ് തുടങ്ങുന്നു .

സദാചാര പോലീസ്

സഖറിയ സാറിന്റെ പ്രസംഗം അധികമായി പോയോ എന്ന് പറയുവാന്‍ ഞാന്‍ ആളല്ല . ലാല്‍സലാം സിനിമയില്‍ ഒരു ഒളിജീവിതം എങ്ങനെ ആകാം എന്ന് രൂപരേഖ തരുന്നുണ്ട് . പിന്നീട് കേട്ടു , ഇത്തരം ചില ജീവിക്കുന്ന സത്ത്യങ്ങള്‍ ഉണ്ട് എന്ന്. സഖറിയ സാറിന്റെ പയ്യന്നൂര്‍ പ്രസംഗത്തില്‍ പരാമര്‍ശം കുറച്ചു കടുത്തുകാണും . പക്ഷെ കേരളത്തിലെ സദാചാര പോലീസിംഗ് അസഹാനീയമാകുന്നു എന്ന് പറയാതെ നിവര്‍ത്തി ഇല്ല .

ലൈംഗിക അരാജകത്വം എന്നത് ശരി ആയി നിര്‍വചിച്ചിട്ടുണ്ടോ എന്ന് അറിയില്ല . ഒരു ആണും പെണ്ണും കൂടി അടച്ച മുറിയില്‍ ഇരുന്നാല്‍ തകരുമോ സദാചാരം ? ഇഷ്ട്ടം ഉള്ളവര്‍ തമ്മില്‍ അല്ലെ ലൈംഗിക ബന്ധം പുലര്‍ത്തേണ്ടത് ?

പോലീസുകാര്‍ നല്ലവരാണ് . അവര്‍ക്ക് നാടു നന്നാക്കണം എന്ന് നല്ല വിചാരം ഉണ്ട്. പക്ഷെ കള്ളന്മാരുടെ കാര്യം കൂടെ കാര്യമായി പരിഗണിക്കണം . അല്ല എങ്കില്‍ അയല്‍ നാട്ടില്‍ തിരുട്ടു ഗ്രാമങ്ങള്‍ കൂടും. കോളേജു കാലത്ത് ഒരിക്കല്‍ കൂട്ടു കാരിയുമായി ആലപ്പുഴ കടല്‍ പാലത്തില്‍ ഇരിക്കുമ്പോ വിരട്ടി ഇരുപതു രൂപ വാങ്ങിയ പോലീസ് കാരനെ ഞാന്‍ ഓര്‍ക്കുന്നു .

ആത്മാഭിമാനം എന്നത് ...

ഞാന്‍ എന്തുകൊണ്ടാണ് ഇനിയും ആത്മാഭിമാനം സുക്ഷിക്കേണ്ടത് ?
എനിക്ക് ഇനിയെങ്കിലും ഒരു വാലാട്ടി പട്ടി ആകാന്‍ കഴിയുമോ ?
പലരും പറയുന്നു, പണം കിട്ടിയാല്‍ പോരെ എന്ന് . മതിയോ ?
ചിലര്‍ പറഞ്ഞു അവന്‍ മണ്ടന്‍ എന്ന് . ഓരോ വട്ടവും അവസ്ഥ കുടുതല്‍ വഷളാകുന്നു.
എങ്കിലും ആവിശ്യം ഇല്ലാതെ എന്തിനു താഴണം ? എന്തിനു കുനിഞ്ഞു നില്‍ക്കണം ?
കഴിവുള്ളവനെ നമുക്ക് വണങ്ങാം. പക്ഷെ ചണ്ടികളെയും തൊഴണം എന്നാണ് ഇപ്പോള്‍.
കഴിവിന് പുല്ലു വില. കെല്പുള്ളവനെ തഴയും. ജോലി ചെയ്യരുത് . ചെയ്യുന്നവനെ എങ്ങിനെയും കഷ്ട്ടപ്പെട്ടു അത് നിര്‍ത്തിക്കും. കിട്ടുന്ന സമയം മുഴുവന്‍ മേളില്‍ ഇരിക്കുന്ന കഴുതകളെ പ്രശംസിച്ചു സമയം കൊന്നു കൊള്ളണം . അത് മാത്രം പോര, എല്ലാ സംവേദന ശേഷിയും നഷ്ട്ടപ്പെടുത്തി മരം കണക്കെ ഇരുന്നു കൊള്ളണം . അനങ്ങാതെ ഇരുന്നു വേര് പിടിക്കാം. ആസനത്തില്‍ ആലു കിളിര്‍ക്കാം . അതും തണല്‍ ആണ് എന്ന് വിചാരിച്ചു കഴിയണം .

എന്റെ പ്രിയ കുട്ടുകാരെ.....

നല്ല ചങ്ങാതിമാര്‍ ഉണ്ടായിരിക്കുക എന്നത് ഏറ്റവും വലിയ കാര്യങ്ങളില്‍ ഒന്നാണ് എന്ന് ഞാന്‍ ഇനിയും വിശ്വസിക്കുന്നു. എങ്കിലും വിധി മൂലമോ മറ്റു ചില കാരണങ്ങള്‍ കൊണ്ടോ നല്ല ചങ്ങാതിമാരെ നമുക്ക് നഷ്ടപ്പെടും . ഈഗോ എന്ന് ഇംഗ്ലീഷില്‍ പറയുന്ന ഒരു സുത്രം ഇതിനു പലപ്പോഴും കാരണം ആയി വരാം. എനിക്ക് നല്ല ഈഗോ ഉള്ള കൂട്ടത്തിലാണ്. അല്ലങ്കില്‍ തന്നെ അത് ഇല്ലാത്ത ആര് കാണും ? കഴിഞ്ഞ നാലു മാസത്തിനുള്ളില്‍ എനിക്ക് ഇത്തരത്തില്‍ രണ്ടു കൂട്ടുകാരെ നഷ്ട്ടമായി. ഒരാള്‍ തീരെ സൗഹൃദം ഇല്ലാതെ അകന്നു. മറ്റൊരാള്‍ നാമ മാത്രമായി സൗഹൃദം നില നിര്‍ത്തി . രണ്ടു പേരും സാദാരണ നിലയില്‍ എന്റെ ജീവിതത്തെ പ്രത്യക്ഷമായി ബാധി ക്കാത്തവര്‍ . എന്നിട്ടും അത് എന്നെ ഉലച്ചു . ബന്ധങ്ങള്‍ എപ്പോഴും ചെറു ചരടില്‍ കോര്‍ത്ത്‌ ഇണക്കിയത് ആയിരിക്കും . അത് രക്ത ബന്ധമായാലും ശരി ചങ്ങാത്തമായാലും ശരി , ആ ചരട് പൊട്ടിയാല്‍ പിന്നെ പാടാണ്. അവശേഷിക്കുന്ന കൂടുകാരോടു ഒരു പ്രാര്‍ത്ഥന . എന്റെ കൈയ്യില്‍ നിന്നും വീഴ്ച വന്നാല്‍ തുറന്നു പറയുക. തിരുത്തുവാന്‍ അവസരം തരുക. അല്ലാതെ ഇതുപോലെ പെരുവഴിയില്‍ ഉപേക്ഷിച്ചു പോകരുത് . നമുക്ക് പരസ്പരം പറയാം. മനസ്സ് തുറന്നു സംസാരിക്കാം. അതിനല്ലേ നമുക്ക് ഭാഷ എന്ന ഒന്ന്‍ ഉള്ളത് .

വി എസ് ഇനി ?

11-07-2009- ഇന്നു കേന്ദ്ര കമ്മറ്റിയില്‍ നിന്ന് അരമണിക്കൂര്‍ നേരത്തെ ഇറങ്ങി വന്ന വി എസ്സിന്റെ മുഖം അല്പം വിഷാദം കലര്‍ന്നതായിരുന്നു. അദ്ദേഹത്തിന്റെ സ്വരം ദുഃഖം കലര്‍ന്നതായിരുന്നു. ആ ദുഃഖം ഓരോ കേരള പൌരന്റെ മനസ്സാക്ഷിയുടെ ദുഖമാണ് . ചെങ്കൊടി ചുവന്നത് കാലത്തിന്റെ കുത്തൊഴുക്കില്‍ കുരുത്ത നിക്ഷേധ ശക്തിയുടെ , തുറന്നു കാട്ടലുകളുടെ , പോരാട്ടത്തിന്റെ ഫലത്താലാണ് . അല്ലാതെ ചില നേതാക്കള്‍ മാത്രം കളര്‍ പിരട്ടി ചുവപ്പിച്ചതല്ല. മന്ത്രി മന്ദിരങ്ങള്‍ സാധാരണ പ്രവര്‍ത്തകന് എത്തി നോക്കുവാന്‍ കൂടി പറ്റുകില്ലാത ഒരു ഇടമാണ് . വില കൂടിയ കാറില്‍ മാത്രം പറക്കുന്ന കൊടി കെട്ടിയ നേതാക്കന്മാര്‍ക്ക് പഴയ ഒളി ജീവിതം പൊങ്ങച്ചം പറയുവാന്‍ മാത്രം . അഴിമതി അവകാശം പോലെ .
വി എസ്സ് മുഖ്യ മന്ത്രി എന്ന നിലയില്‍ തുടരേണ്ടത് പാവം ജനങ്ങളേ പോലെ പാര്‍ട്ടി വിഴുങ്ങുന്നവര്‍ക്കും ആവിശ്യം ഉള്ള ഒരു കാര്യം ആണ്. അതിനാല്‍ വി എസ്സ് മുഖ്യ മന്ത്രി എന്ന നിലയില്‍ ഒരുപക്ഷെ തുടരും. പക്ഷെ കണ്ടതും കാണാന്‍ പോകുന്നതും എന്താകും ? താന്‍ വളര്‍ത്തി എടുത്ത നേതാക്കള്‍ തനിക്കെതിരെ തിരിയുന്നത് .... പാതി വിഴുങ്ങുന്ന മാധ്യമങ്ങള്‍ ..... ദല്‍ഹിയിലെ അടക്കിച്ചിരികള്‍ ....
ഇനി ജനങ്ങളില്‍ നിന്നും ഒളിച്ചു താമസിക്കേണ്ടി വരുമോ സഖാക്കളെ ?

മാധവികുട്ടി

ആംബുലന്‍സ് ആലപ്പുഴയില്‍ എത്തുമ്പോള്‍ ഞാന്‍ അവിടെ റോഡരികില്‍ . അവിടെ മാറി നിന്നു . സജു പുനയില്‍
പോകാം എന്ന് പറഞ്ഞതാണ്‌ .
പോയില്ല .
പഴയ ഒരു ബ്ലാക്ക്‌ ആന്‍ഡ്‌ വൈറ്റ് ഫോട്ടോയിലെ ആ മുഖം മതി മാധവികുട്ടി എന്ന വിപ്ലവകാരിയ്ക് എന്‍റെ മനസ്സില്‍‌ .

ഞാന്‍ സ്നേഹിക്കുന്ന വേമ്പനാട്ടു കായല്‍

എത്രയോ വട്ടം ഇതുവഴി കടന്നുപോയി ?
അയര്ക്കുന്നത്തിനു പോയി വരും വഴി മുഹമ്മയില്‍ നിന്നും കുമരകത്തിന് ....പിന്നെ തിരിച്ച്.
വേമ്പനാട് .... കായലുകളുടെ രാജാവ്‌
പൊട്ടു കുത്തിയതുപോലെ പാതിരാമണല്‍ .
വേലുത്തമ്പി മുത്രം ഒഴിച്ചപ്പോ മണല്‍ പൊങ്ങി വന്നത്
ഉത്തമന്‍ എന്ന പഴയ കു‌ട്ടുകാരന്‍ ഈ കല്‍ക്കെട്ടില്‍ നിന്നു മീന്‍ പിടിച്ചിരുന്നു.
പെടപെടപ്പന്‍ കരിമീന്‍ . പിന്നെ കാരി , ചെമ്പല്ലി
ഈര്‍ക്കില്‍ കുടുക്ക് വച്ചു കാലന്‍ കൊഞ്ച് പിടിക്കുന്നത്‌ അവന്‍ കാണിച്ചുതന്നു.
എരണ്ടകള്‍ ....കൊറ്റികള്‍....
ജലപ്പരപ്പില്‍ നിന്നും എങ്ങോട്ടോ മുങ്ങിപോകുന്ന കാട്ടു താറാവുകള്‍ .
ഇന്ന് ..... ഹൌസ് ബോട്ടുകള്‍ അലോസരം ഉണ്ടാക്കുന്നു.
കായല്‍ക്കരയില്‍ ഇരിക്കെ അവ കൈകള്‍ വീശി ഏകാന്തതയിലേക്ക് കടന്നു എന്ന് വരാം
ഇതു വേമ്പനാട് ..... കായലുകളുടെ രാജാവ്‌ .
മുഹമ്മ ബോട്ട് ജട്ടി .
ദുരെ മങ്ങി കാണുന്ന കുമരകം.
കായല്‍ പരപ്പ്‌ . കക്ക വാരി വരുന്ന വള്ളങ്ങള്‍...
ഓളങ്ങള്‍ പാടുന്നത് കേള്‍ക്കാം ഒന്നു കാതോര്‍ത്താല്‍ .

Yana near Sirsi

Again a trip
I never thought that, my small car can cross the loose sand about 2 feet height
That also for a distance of more than one km...
Then we reached at Yana..
Rock formations..
Rock carvings by nature...
A cave behind the temple with smell of birds.
Yana...
Rock with a shape of no shapes.