രാത്രിയുടെ നടുവില്‍
ബദാം മരക്കൊമ്പില്‍ പറന്നിറങ്ങിയ
ഒരു കടവാതില്‍
തൊട്ടുനിന്ന മാവിന്‍കൊമ്പില്‍
തൂങ്ങുവാനിരുന്നയാളോട്
വെറുതേ കുശലം ചോദിച്ചു.
കഴുത്തില്‍ ചുറ്റിയ കള്ളിമുണ്ടൊന്നയച്ച്
പിന്തിരിഞ്ഞിരുന്നയാള്‍
ജീവിതകഥ മുഴുവന്‍ വിളമ്പിയേക്കുമെന്ന്
കരുതിയ കടവാതില്‍
തോറ്റവന്റെ കഥകേട്ടു
സമയം കളയേണ്ടെന്നോര്‍ത്ത്
മുഴുത്തൊരു ബദാം
ചപ്പിത്തിന്നാന്‍ തുടങ്ങി.
തൊട്ടടുത്തൊരു മാവിന്‍കൊമ്പ്
കുലുങ്ങിയുലഞ്ഞു നിശ്ചലമായി.
ഇനിയൊരു ദുരാത്മാവു കൂടി
ബദാം മരത്തില്‍ പറന്നെത്തുമെന്ന്
മരം കടവാതിലിനോട്
അടക്കം പറഞ്ഞു.
കൊള്ളാം ..
ReplyDelete