Friday, April 30, 2010

തീവണ്ടി നിലയം

പുറപ്പെടുന്ന തീവണ്ടിക്കു പുറത്തു
വേര്‍പാടിന്റെ വ്യഥ ..
എത്തിച്ചേരുന്ന വണ്ടിക്കു വെളിയില്‍
കൂടിച്ചേരലിന്റെ ഭാരം
തീവണ്ടി നിലയത്തില്‍ എത്തപ്പെടുന്ന
ഓരോ മുഖങ്ങളിലും
തേച്ചുവച്ച ഓരോ ഭാവങ്ങളുണ്ട്
ചലനത്തിന്റെ പിന്നില്‍ ഘടിപ്പിച്ച്
പാളത്തിലൂടെ വലിച്ചതിദൂരം
ഇഴക്കപ്പെട്ടൊരു ഭാവം .
കാറ്റു പതം വരുത്തിയ മുടിയിഴകള്‍
പൊടി കറുപ്പിച്ച നാസിക
ഉറക്കം തൂങ്ങുന്ന കണ്ണുകളില്‍
വിട്ടുപോന്ന കാഴ്ചകളുടെ ഭാരം

മനസ്സ് മാത്രം മടക്കയാത്രയുടെ
കണക്കെടുപ്പ് തുടങ്ങുന്നു .