Tuesday, March 31, 2015

ഒരു ഗുണപാഠ കഥ

ഇത് ഒരു ഗുണപാഠ കഥയൊന്നും അല്ല. അങ്ങനെ ഞാന്‍ വെറുതെ എഴുതിയത് ആണ്. സംഭവം  കൊതുകുകളുമായി ബന്ധപ്പെട്ടാണുതാനും.
ഒരു ചെറുപ്പക്കാരന്‍  മുറിയില്‍ കൊതുകുവലയിട്ട് അടിവസ്ത്രങ്ങള്‍ മാത്രം ധരിച്ച് സുഖമായി  കിടന്നുറങ്ങുകയായിരുന്നു .  ആ നേരം  മൂന്ന് കൊതുകുകള്‍  ആ മുറിയിലെത്തി.  അതില്‍  ഒരു കൊതുക്  കൊതുകുവലയില്‍ ഇരുന്ന്‍  ഉള്ളിലേക്ക് നോക്കി . ഒരു ചെറുപ്പക്കാരന്‍ അങ്ങനെ സുഖമായി ഉറങ്ങുന്നത് കണ്ട് അതിന് കലിയിളകി. അയാളുടെ മൂക്കിനു തുമ്പില്‍ പറന്നിരുന്ന്  ചോര കുത്തിയെടുക്കാന്‍ അതാഗ്രഹിച്ചു.  പക്ഷെ ആള്‍ വലയുടെ ഉള്ളിലാണല്ലോ ?  ആ കൊതുക്  നിരാശയോടെ പറന്നുയര്‍ന്ന് മച്ചിലിരുന്ന ഒരു പല്ലിയുടെ  മുന്നില്‍ ചെന്ന് പെട്ടു. 
രണ്ടാമത്തെ   പെണ്‍കൊതുക്   ചെറുപ്പക്കാരന്‍റെ  ശരീരം കണ്ട്  കൊതിച്ച് വശം കെട്ടു. അയാളുടെ നെഞ്ചില്‍  പറന്നിരുന്ന്   ചോര കുടിക്കുവാന്‍ അവള്‍ ആശിച്ചു.  പക്ഷെ വല ! നിരാശയോടെ അലക്ഷ്യമായി   പറന്നുയര്‍ന്ന അവള്‍ ഒരു ചിലന്തിവലയില്‍ ചെന്ന് കുടുങ്ങി. 
പിന്നെ ഉള്ളത് ഒരു വയസായ  കൊതുക്; ചെറുപ്പക്കാരുടെ വിഡ്ഢിത്തം കണ്ട് ചിരിച്ച അത് വലയുടെ ചുറ്റും മൂളിപ്പാട്ടും പാടി  പറന്നു. മനുഷ്യന്‍ വിരിച്ച  ഏതു വലയിലും ഒരു ചെറിയ വിടവ് എങ്കിലും കാണും എന്ന് അതിന് അറിയാമായിരുന്നു.  വയസ്സിക്കൊതുക് ആ വിടവ് കണ്ടെത്തി ഉള്ളില്‍ കടന്നു. ചെറുപ്പക്കാരന്‍റെ കൈത്തണ്ടയില്‍  ആവേശത്തോടെ ചെന്നിരുന്ന് സൂചി മാംസത്തില്‍ താഴ്ത്തി.. ചൊറിച്ചില്‍ വന്ന അയാള്‍ 'ടപ്പേ...' എന്ന് ഒറ്റയടി.    
അതാണ് പറഞ്ഞത് , ഇതില്‍ വലിയ ഗുണപാഠം ഒന്നും ഇല്ല എന്ന്.  
-----------------------------കണക്കൂര്‍ 

5 comments:

  1. ഹെമിങ് വേയയുടെ റിക്കാർഡ് തകർക്കാനുള്ള ശ്രമമാണോ......

    ReplyDelete
  2. dear ajith, Pradeep Kumar, മലയാളം ടൈപ്പ് ചെയ്യുവാന്‍ കഴിഞ്ഞില്ല. അതാണ്‌ booked എന്ന് പോസ്റ്റ്‌ ചെയ്തത്. :)

    ReplyDelete
  3. ഹ ഹ ഹാ.... വളരെയിഷ്ടായി.......

    ReplyDelete
  4. വളരെ കുഞ്ഞ് ഫോണ്ട്കളാണല്ലൊ ഭായ്

    ReplyDelete